kamal: 'భారతీయుడు 2' ఆగిపోయిందంటూ పుకార్లు.. ఖండించిన యూనిట్
- రెండు షెడ్యూల్స్ పూర్తిచేసిన 'భారతీయుడు 2'
- తదుపరి షెడ్యూల్ కి జరుగుతోన్న సన్నాహాలు
- షూటింగ్ కోసం భారీ సెట్స్ నిర్మాణం
గతంలో శంకర్ .. కమల్ కాంబినేషన్లో వచ్చిన 'భారతీయుడు' భారీ విజయాన్ని అందుకుంది. ఆ సినిమాకి సీక్వెల్ చేయడానికి ఇటీవలే శంకర్ రంగంలోకి దిగాడు. అయితే ఈ సినిమా నిర్మాణ సంస్థ అయిన లైకా ప్రొడక్షన్స్ తో శంకర్ కి మనస్పర్థలు రావడం వలన, ప్రాజెక్టు ఆగిపోయిందనే ప్రచారం సోషల్ మీడియాలో జోరుగా జరుగుతోంది. అయితే ఇదంతా కేవలం పుకారు మాత్రమేనని లైకా ప్రొడక్షన్స్ అధికార ప్రతినిధి స్పష్టం చేసినట్టుగా తమిళ మీడియా చెబుతోంది.
ప్రాజెక్టు ఆగిపోయిందనే విషయంలో ఎంతమాత్రం నిజం లేదని యూనిట్ సభ్యులు చెబుతున్నారు. ఈ సినిమాకి సంబంధించిన రెండు భారీ షెడ్యూల్స్ ను పూర్తి చేయడం జరిగిపోయిందనీ, తదుపరి షెడ్యూల్ కి సన్నాహాలు జరుగుతున్నాయని అంటున్నారు. ముందుగా అనుకున్న ప్రకారం భారీ సెట్స్ నిర్మాణం జరుగుతోందనీ, అవి పూర్తి కాగానే తదుపరి షెడ్యూల్ షూటింగ్ మొదలవుతుందని చెబుతున్నారు. అనిరుధ్ సంగీతాన్ని అందిస్తోన్న ఈ సినిమాలో, కాజల్ కథానాయికగా నటిస్తోందనే సంగతి తెలిసిందే.
