Telugudesam: టీడీపీ మేనిఫెస్టోకు తుది మెరుగులు...రేపు విడుదల చేయనున్న చంద్రబాబు
- ఈరోజు చివరిగా సమావేశం కానున్న మేనిఫెస్టో కమిటీ
- తుది అంశాలపై చర్చ
- సార్వత్రిక ఎన్నికల్లో గెలుపే లక్ష్యంగా ప్రణాళిక
సార్వత్రిక ఎన్నికల నేపథ్యంలో మళ్లీ విజయమే లక్ష్యంగా దూసుకుపోతున్న తెలుగుదేశం పార్టీ ప్రజల్లోకి వెళ్లేందుకు రూపొందించిన పార్టీ మేనిఫెస్టోను రేపు విడుదల చేయనుంది. పార్టీ జాతీయ అధ్యక్షుడు, ముఖ్యమంత్రి చంద్రబాబునాయుడు ఈ మేనిఫెస్టోను విడుదల చేస్తారు. ఇప్పటి వరకు ఏం చేశారు, మళ్లీ గెలిపిస్తే ఏం చేస్తారు, అమలు చేయనున్న సంక్షేమ పథకాలు, కార్యాచరణ వివరాలన్నింటినీ ఇందులో పొందుపర్చనున్నారు. ఇందుకు సంబంధించి మేనిఫెస్టో కమిటీ తుదిమెరుగులు దిద్దడంలో బిజీగా ఉంది. ఈరోజు మరోసారి కమిటీ సమావేశమై తుది నిర్ణయాలు తీసుకున్న అనంతరం పార్టీ అధ్యక్షుడికి మేనిఫెస్టోను సమర్పిస్తుంది. దాన్ని చంద్రబాబు రేపు విడుదల చేస్తారు.