Nepal: నేపాల్ లో నిలిపివుంచిన హెలికాప్టర్ ను ఢీకొన్న విమానం... నలుగురి మృతి!
- లుక్లాలోని తెన్‌ జింగ్‌ హిల్లరీ ఎయిర్ పోర్టులో ప్రమాదం
- టేకాఫ్ అవుతూ ప్రమాదానికి గురైన విమానం
- మరో ఐదుగురికి తీవ్ర గాయాలు
నేపాల్ లో విమాన ప్రమాదం నలుగురి ప్రాణాలను బలిగొంది. నిలిపివుంచిన హెలికాప్టర్ ను టేకాఫ్ కాబోతున్న విమానం ఢీకొనగా ఈ ప్రమాదం చోటుచేసుకుంది. లుక్లాలోని తెన్‌ జింగ్‌ హిల్లరీ ఎయిర్ పోర్టు నుంచి ఖాట్మండుకు బయలుదేరిన విమానం, టేకాఫ్ తీసుకునే క్రమంలో హెలికాప్టర్ ను ఢీకొంది. ఈ ప్రమాదంలో నలుగురు అక్కడికక్కడే మరణించగా, మరో ఐదుగురికి తీవ్ర గాయాలు అయ్యాయి. సమీపంలోనే ఉన్న సహాయక సిబ్బంది వెంటనే స్పందించి, గాయపడిన వారిని ఆసుపత్రికి తరలించారు. కాగా, పర్వత శిఖరాల్లో ఉండే ఈ ప్రాంతానికి వేసవిలో పర్యాటకులు అధికంగా వస్తుంటారు.