nithin: 'భీష్మ'లో నితిన్ జోడీగా కనిపించేది రష్మిక మాత్రమే
- వెంకీ కుడుముల దర్శకత్వంలో 'భీష్మ'
- కల్యాణి ప్రియదర్శన్ ను తీసుకోలేదు
- త్వరలోనే సెట్స్ పైకి
నితిన్ చేతిలో ఇప్పుడు మూడు సినిమాలు వున్నాయి. ఈ మూడింటిలో ముందుగా ఆయన 'భీష్మ' సినిమాను పట్టాలెక్కించనున్నాడు. ఈ సినిమాకి వెంకీ కుడుముల దర్శకత్వం వహించనున్నాడు. 'ఛలో' సినిమాతో మంచి ప్రేమకథా చిత్రాన్ని అందించిన వెంకీ కుడుముల, నితిన్ తో చేసేది కూడా ప్రేమకథా చిత్రమే.
ఇక ఈ సినిమాలో కథానాయికగా రష్మిక మందనను తీసుకున్నారని, మరో కథానాయికగా కల్యాణి ప్రియదర్శన్ ను తీసుకున్నారనే వార్త రెండు మూడు రోజులుగా షికారు చేస్తోంది. తాజాగా ఈ విషయంపై దర్శకుడు వెంకీ కుడుముల స్పందించాడు. ఈ సినిమాలో ఒక కథానాయిక మాత్రమే ఉంటుందనీ, ఆ పాత్రకి రష్మికను తీసుకోవడం జరిగిపోయిందని అన్నాడు. మరో కథానాయిక అవసరం లేదనీ, కల్యాణి ప్రియదర్శన్ ను ఎంపిక చేసుకున్నామనే వార్తలో నిజం లేదని స్పష్టం చేశాడు. త్వరలోనే సెట్స్ పైకి వెళ్లనున్నామనే విషయాన్ని తెలియజేశాడు.