akhil: అఖిల్ సినిమాకి దేవిశ్రీని వద్దనుకోవడానికి కారణమదేనట!
- 'బొమ్మరిల్లు' భాస్కర్ తో అఖిల్
- నిర్మాతగా అల్లు అరవింద్
- వచ్చేనెలలో సెట్స్ పైకి
అఖిల్ నాల్గొవ సినిమాకి సంబంధించిన సన్నాహాలు చకచకా జరిగిపోతున్నాయి. 'బొమ్మరిల్లు' భాస్కర్ దర్శకత్వంలో ఈ సినిమా రూపొందుతోంది. గీతా ఆర్ట్స్ బ్యానర్ పై నిర్మితమవుతోన్న ఈ సినిమా వచ్చేనెలలో సెట్స్ పైకి వెళ్లనుంది. ఈ సినిమాకి సంగీత దర్శకుడిగా దేవిశ్రీ ప్రసాద్ ను తీసుకుంటున్నట్టుగా వార్తలు వచ్చాయి. ఆ తరువాత తమన్ పేరు వినిపించింది. చివరికి గోపీసుందర్ ను తీసుకున్నారనేది తాజా సమాచారం.
దేవిశ్రీ .. తమన్ లతో చేయడానికి అటు దర్శకుడు .. ఇటు అఖిల్ ఆసక్తిని చూపించారట. అయితే ఈ సినిమా బడ్జెట్ ను సాధ్యమైనంత తగ్గించాలనే ఉద్దేశంతోనే అల్లు అరవింద్ .. గోపీసుందర్ ను తీసుకున్నాడని అంటున్నారు. ఇక ఇటీవల గోపీసుందర్ అందించిన పాటలు యూత్ లోకి దూసుకుపోతుండటం కూడా ఆయన వైపు అల్లు అరవింద్ మొగ్గుచూపడానికి కారణమని మరికొంతమంది చెబుతున్నారు.
