Sirivengalacharyulu: బైక్‌ సహా తండ్రీకొడుకులు చెరువులో పడి మృతి
- మృతులు సిరివెంగళాచార్యులు, వంశీకృష్ణగా గుర్తింపు
- ఉపాధ్యాయుడిగా పనిచేస్తున్న సిరివెంగళాచార్యులు
- ప్రమాదవశాత్తు జరిగినట్టు భావిస్తున్న పోలీసులు
తండ్రీకొడుకుల అనుమానాస్పద మృతితో ఓ కుటుంబంలో తీవ్ర విషాదం నెలకొంది. పశ్చిమ గోదావరి జిల్లాలోని తాడేపల్లిగూడెం మండలం పెదతాడేపల్లిలో ఈ దారుణం చోటు చేసుకుంది. తండ్రీకొడుకులు బైక్‌ సహా చెరువులో పడి మృతి చెందారు. మృతులను సిరివెంగళాచార్యులు(48), వంశీకృష్ణ(14)గా పోలీసులు గుర్తించారు. సిరివెంగళాచార్యులు కొండ్రుప్రోలు గ్రామంలో ప్రభుత్వ ఉపాధ్యాయుడిగా పని చేస్తున్నారు. ఘటన ప్రమాదవశాత్తు జరిగినట్టు భావిస్తున్న పోలీసులు కేసు దర్యాప్తు చేస్తున్నారు.