USA: మర్యాదలు నేర్చిన మొసలి.. ఇంటి కాలింగ్ బెల్ నొక్కేందుకు ప్రయత్నం.. షాకైన ఓనర్!
- అమెరికాలోని దక్షిణ కరోలీనాలో ఘటన
- ఇటీవల ఇంటిని కొనుగోలు చేసిన మహిళ
- షాపింగ్ కు వెళ్లిరాగా, ఇంటిముందు మొసలి ప్రత్యక్షం
మొసళ్లను దూరం నుంచి చూస్తేనే గుండెలు జారిపోతాయి. అనేక జీవుల్ని మొసళ్లు నిర్దయగా మింగేస్తాయ్. తాజాగా అమెరికాలోని ఓ మహిళకు ఇలాంటి మొసలితో విచిత్రమైన పరిస్థితి ఎదురయింది. దక్షిణ కరోలీనాలోని మైర్టెల్ బీచ్ సమీపంలో ఓ మహిళ కొత్త ఇంటిని ఇటీవల కొనుగోలు చేసింది. అనంతరం షాపింగ్ కు వెళ్లిన ఆమె తిరిగి ఇంటికి చేరుకుంది. అక్కడ జరుగుతున్న ఘటనను చూసి షాక్ కు గురయింది.
ఎందుకంటే, ఆమె ఇంటి గుమ్మం ముందు 4-5 అడుగులున్న మొసలి ఒకటి తచ్చాడుతోంది. అది అక్కడితో ఆగకుండా ఇంటి కాలింగ్ బెల్ నొక్కేందుకు ప్రయత్నిస్తోంది. దీంతో ఈ తతంగాన్ని తన ఫోన్ లో రికార్డు చేసిన సదరు మహిళ.. జంతు సంరక్షణ అధికారులకు సమాచారం ఇచ్చింది. దీంతో అక్కడకు చేరుకున్న అధికారులు.. ఆ చిలిపి మొసలిని పట్టుకుని సురక్షిత ప్రాంతంలో విడిచిపెట్టారు. దీంతో అందరూ ఊపిరి పీల్చుకున్నారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో చక్కర్లు కొడుతోంది.
RING THE BELL: A woman who just moved to Myrtle Beach, South Carolina, was in for quite a surprise when she returned home to find an alligator attempting to ring her bell.
— ABC News (@ABC) May 3, 2019
Authorities safely removed and relocated the gator. https://t.co/TsnGk6fyzf pic.twitter.com/OqT1MwteWW