kamal: కమల్ 'క్షత్రియపుత్రుడు' సీక్వెల్ కి సన్నాహాలు
- తమిళనాట హిట్ కొట్టిన 'దేవర్ మగన్'
- తెలుగులోను 'క్షత్రియ పుత్రుడు'గా సక్సెస్
- సీక్వెల్ దిశగా మొదలైన పనులు
కమలహాసన్ కెరియర్లో చెప్పుకోదగిన చిత్రాల జాబితాలో 'దేవర్ మగన్' (క్షత్రియపుత్రుడు) ఒకటిగా కనిపిస్తుంది. ఈ సినిమాలో కమల్ నటనను ప్రేక్షకులు ఎప్పటికీ మరిచిపోలేరు. అలాంటి ఈ సినిమాకి సీక్వెల్ చేయడానికి కమల్ రంగంలోకి దిగినట్టుగా తెలుస్తోంది. 1992లో తమిళనాట విడుదలైన 'దేవర్ మగన్' సంచలన విజయాన్ని సాధించింది. తెలుగులో 'క్షత్రియపుత్రుడు' పేరుతోను భారీ విజయాన్ని నమోదు చేసింది.
అలాంటి ఈ సినిమాకి సీక్వెల్ చేయాలనే నిర్ణయానికి వచ్చిన కమల్, అందుకు సంబంధించిన సన్నాహాలను మొదలెట్టినట్టుగా తెలుస్తోంది. తొలి షెడ్యూల్ ను పొల్లాచ్చి లో ఆరంభించడానికి ఏర్పాట్లు జరుగుతున్నాయని అంటున్నారు. 'భారతీయుడు 2' ప్రాజెక్టు ఆగిపోవడం వల్లనే కమల్ ఈ నిర్ణయం తీసుకున్నారనే అభిప్రాయాలు కోలీవుడ్లో వినిపిస్తున్నాయి. త్వరలోనే పూర్తి వివరాలు తెలియనున్నాయి.