telangana bhavan: తెలంగాణ భవనం ఆవరణలో ఆవిర్భావ దినోత్సవం: పాల్గొన్న కేటీఆర్‌
- తెలంగాణ తల్లి, జయశంకర్‌ విగ్రహాలకు నివాళులు
- రాష్ట్ర ప్రజలకు ఇది శుభదినం
- అరవై ఏళ్ల కల నెరవేరిన రోజు
హైదరాబాద్‌లోని తెలంగాణ భవన్‌లో రాష్ట్ర ఆవిర్భావ దినోత్సవ వేడుకలు ఘనంగా నిర్వహించారు. ఈ కార్యక్రమంలో టీఆర్‌ఎస్‌ కార్యనిర్వాహక అధ్యక్షుడు కేటీఆర్‌ పాల్గొన్నారు. ఆవరణలోని తెలంగాణ తల్లి, జయశంకర్‌ విగ్రహాలకు తొలుత ఆయన పూలమాలలు వేసి ఘనంగా నివాళుర్పించారు. అనంతరం జాతీయ జెండాను ఆవిష్కరించారు.
ఈ సందర్భంగా మాట్లాడుతూ ‘ప్రత్యేక రాష్ట్రం ఏర్పడాలి, తమ జీవితాలు బాగుపడాలని అరవై ఏళ్లుగా ఎదురుచూసిన తెలంగాణ ప్రజల ఆకాంక్ష నెరవేరిన రోజు ఇదని’ ఆనందం వ్యక్తం చేశారు. బంగారు తెలంగాణ సాధించుకునేందుకు అందరం కలిసికట్టుగా ముందుకు సాగుదామని పిలుపునిచ్చారు.