Chamakura Mallareddy: ప్రమాదంలో గాయపడిన వ్యక్తిని తన కారులో ఆసుపత్రికి తీసుకెళ్లిన మంత్రి మల్లారెడ్డి!
- హైదరాబాద్ లోని బాలానగర్ లో ఘటన
- లారీ ఢీకొట్టడంతో వ్యక్తికి తీవ్రగాయాలు
- తన ఆసుపత్రికి తరలించిన చామకూర
రోడ్డు మీద సైకిల్ పై వెళుతున్న ఓ వ్యక్తి ప్రమాదంలో తీవ్ర గాయాలపాలైతే, అటుగా వెళుతున్న తెలంగాణ కార్మిక, ఉపాధి కల్పనా శాఖా మంత్రి చామకూర మల్లారెడ్డి తనలోని మానవత్వాన్ని చాటుకున్నారు. ఈ ఘటన హైదరాబాద్ లోని బాలానగర్ చౌరస్తా సమీపంలో జరిగింది. ఈ ప్రాంతానికి చెందిన మేస్త్రి బాలరాజు సైకిల్ పై వెళుతున్న వేళ, ఓ లారీ అతన్ని ఢీకొట్టింది. ఈ ప్రమాదంలో బాలస్వామికి తీవ్ర గాయాలు అయ్యాయి. ఆ దారిలో వెళుతున్న మల్లారెడ్డి, తన కాన్వాయ్ ని ఆపి, బాధితుడిని స్వయంగా తన వాహనంలో ఎక్కించారు. సూరారంలో తన నిర్వహణలోనే ఉన్న మల్లారెడ్డి ఆసుపత్రికి బాధితుడిని తరలించారు.