Sairaa: 'సైరా'కు రజనీకాంత్, మోహన్ లాల్ తమవంతు సహకారం!
- తెలుగులో పవర్ స్టార్ వాయిస్ ఓవర్
- తమిళంలో రజనీకాంత్, కన్నడలో యష్ వాయిస్ ఓవర్
- మలయాళ వర్షన్ కు మోహన్ లాల్ సాయం
చిరంజీవి తాజా చిత్రం 'సైరా'కు దక్షిణాది సినీ ప్రముఖులు తమవంతు సహకారాన్ని అందిస్తున్నారు. ఈ చిత్రం అన్ని దక్షిణాది భాషల్లోనూ విడుదల అవుతుందన్న సంగతి తెలిసిందే. తెలుగులో వాయిస్ ఓవర్ ను పవన్ కల్యాణ్ అందించగా, తమిళంలో రజనీకాంత్, మలయాళంలో మోహన్ లాల్, కన్నడలో యష్ లు వాయిస్ ఓవర్ అందించారని తెలుస్తోంది. ఇక హిందీలో ఈ పని ఎవరు చేశారన్న విషయం ఇంకా వెల్లడి కాలేదు.
రజనీకాంత్, మోహన్ లాల్ ప్రవేశంతో 'సైరా'కు ఆయా భాషల్లో మంచి హైప్ లభిస్తుందనడంలో సందేహం లేదు. రామ్ చరణ్ నిర్మాతగా రూపొందిన ఈ సినిమా వచ్చేనెల 2వ తేదీన విడుదల కానుందన్న సంగతి తెలిసిందే. ఈ సినిమాలో బాలీవుడ్ బిగ్ బీ అమితాబ్ బచ్చన్ తో పాటు నయనతార, కిచ్చ సుదీప్, జగపతిబాబు, విజయ్ సేతుపతి తదితర ఎందరో ప్రముఖులు ముఖ్య పాత్రలను పోషించారు.
