Ramgopal Varma: నాగ్... మన బిడ్డకు 30 ఏళ్లు: రామ్ గోపాల్ వర్మ!
- 1989, అక్టోబర్ 5న విడుదలైన 'శివ'
- 30 ఏళ్లయిందని గుర్తు చేసిన వర్మ
- ట్విట్టర్ లో ప్రత్యేక ట్వీట్
సరిగ్గా 30 ఏళ్ల క్రితం... అంటే, 1989 అక్టోబర్ 5. ఆ రోజున టాలీవుడ్ కింగ్ నాగార్జున, అమల హీరో హీరోయిన్లుగా, దర్శకుడు రామ్ గోపాల్ వర్మ తెరకెక్కించిన 'శివ' విడుదలైన రోజు. ఆ చిత్రం అప్పట్లో సంచలన విజయాన్ని సాధించింది. ఆ చిత్రం షూటింగ్ సమయంలో ఏర్పడ్డ పరిచయం, నాగార్జున జీవిత భాగస్వామిగా అమల మారేట్టుగా చేసింది కూడా.
అప్పుడే తెలుగు చిత్ర పరిశ్రమలోకి కాలుమోపిన వర్మ, పరిశ్రమకు కొత్తదనాన్ని పరిచయం చేస్తూ 'శివ'ను తీశాడు. ఇక ఈ సినిమా విడుదలై 30 సంవత్సరాలు అయిన సందర్భంగా ట్విట్టర్ వేదికగా, తన ఆనందాన్ని పంచుకుంటూ, "నాగ్. నేడు మన ప్రియమైన బిడ్డ 30వ పుట్టినరోజు" అని తన ఆనందాన్ని వ్యక్తం చేశారు.
