Valmiki: వాల్మీకి జయంతి శుభాకాంక్షలు తెలిపిన సీఎం జగన్
- నేడు వాల్మీకి జయంతి
- ట్వీట్ చేసిన సీఎం జగన్
- వాల్మీకి గొప్ప కావ్యాన్ని రచించారంటూ కితాబు
రామాయణ మహాకావ్యాన్ని మానవాళికి అందించిన మహనీయుడు వాల్మీకి జయంతి నేడు. ఈ సందర్భాన్ని పురస్కరించుకుని ఏపీ సీఎం జగన్ వాల్మీకి జయంతి శుభాకాంక్షలు తెలిపారు. ఈ మేరకు ట్వీట్ చేశారు. ఉన్నతమైన ఆదర్శాలను, మానవతా విలువలను రామాయణం అడుగడుగునా మనకు బోధిస్తుందని తెలిపారు. రామకావ్యం వెలుగుల్లో మానవాళి సుభిక్షంగా ఉండాలని కోరుకుంటున్నానని జగన్ వ్యాఖ్యానించారు. వాల్మీకి గొప్ప కావ్యాన్ని రచించారంటూ కొనియాడారు.