Assembly: శ్రీకాకుళంలో ట్రిపుల్ ఐటీని తెచ్చింది తానేనన్న చంద్రబాబు.. 'కాదు, వైఎస్' అన్న స్పీకర్ తమ్మినేని!
- ట్రిపుల్ ఐటీని తెచ్చింది వైఎస్ కాదు, తానేనన్న బాబు
- అడ్డుతగిలిన వైసీపీ సభ్యులు
- అక్కడ ఏ స్టూడెంట్ ను అడిగినా చెబుతారన్న స్పీకర్
శ్రీకాకుళం జిల్లాలో ట్రిపుల్ ఐటీని తీసుకొచ్చింది వైఎస్ రాజశేఖర్ రెడ్డి కాదని, తమ హయాంలో తాను తీసుకొచ్చానని టీడీపీ సభ్యుడు చంద్రబాబునాయుడు అన్నారు. ఏపీ అసెంబ్లీలో ఈ అంశం గురించి చంద్రబాబు మాట్లాడుతున్న సమయంలో వైసీపీ సభ్యులు అడ్డుతగిలారు. అదే సమయంలో, స్పీకర్ తమ్మినేని సీతారాం కల్పించుకుని.. ట్రిపుల్ ఐటీని వైఎస్ హయాంలో ఏర్పాటు చేశారని, శ్రీకాకుళం జిల్లాలో ఏ స్టూడెంట్ ను అడిగినా చెబుతారని అన్నారు. శ్రీకాకుళం జిల్లాలో ట్రిపుల్ ఐటీ ఏర్పాటు చేయాలన్నది నాడు వైఎస్ రాజశేఖర్ రెడ్డి నిర్ణయం అని, రిమ్స్ ఆసుపత్రి ఏర్పాటు కూడా ఆయన హయాంలోనే జరిగిందని చెప్పారు.
