Amaravati: రేపు అమరావతి బంద్ కు పిలుపు నిచ్చిన రాజధాని రైతులు
- మందడంలో మహిళలపై పోలీస్ దౌర్జన్యానికి నిరసన
- శాంతియుతంగా ధర్నా చేస్తుంటే ఈడ్చుకెళతారా?
- పోలీసులపై మండిపడుతున్న రైతులు
రాజధాని ప్రాంతం మందడంలో శాంతియుతంగా ధర్నా చేస్తున్న తమపై పోలీసులు దౌర్జన్యం చేశారంటూ అక్కడి రైతులు, మహిళలు మండిపడుతున్నారు. తమపై పోలీసులు దారుణంగా వ్యవహరించారని వారు ఆరోపించారు. ఈ నేపథ్యంలో రేపు రాజధాని అమరావతి బంద్ కు రైతులు పిలుపు నిచ్చారు.
మహిళలపై పోలీసుల ప్రతాపం దారుణం: నారా లోకేశ్
ఈ ఘటనను టీడీపీ నేత నారా లోకేశ్ ఖండించారు. శాంతియుతంగా ధర్నా చేస్తున్న మహిళలపై పోలీసులు తమ ప్రతాపం చూపడం దారుణమని అన్నారు. సీఎం జగన్ ని ‘మాట తప్పకండి, మడమ తిప్పకండి’ అని అడగడం తప్పా? అని ప్రశ్నించారు.