Corona Virus: జపాన్, దక్షిణ కొరియా పౌరులకు భారత్ వీసాల జారీ నిలిపివేత
- ఇతర దేశాలకు శరవేగంగా విస్తరిస్తున్న కరోనా వైరస్
- దక్షిణకొరియా, జపాన్ దేశాల్లో మోగుతున్న మృత్యు ఘంటికలు
- మరింత అప్రమత్తమైన భారత్
చైనాకు ముచ్చెమటలు పట్టించిన కరోనా వైరస్ శర వేగంగా ఇతర దేశాలకు విస్తరిస్తోంది. దక్షిణకొరియా, ఇరాన్, ఇటలీ దేశాలను వణికిస్తోంది. తాజాగా నిన్న పాకిస్థాన్ లో కూడా రెండు కరోనా పాజిటివ్ కేసులు నమోదయ్యాయి. ఈ నేపథ్యంలో, భారత్ మరింత అప్రమత్తమైంది. దక్షిణకొరియా, జపాన్ దేశాల్లో కరోనా వైరస్ మృత్యు ఘంటికలు మోగిస్తున్న క్రమంలో ఆ దేశాల పౌరులకు వీసాల జారీని ఆపేసింది. ఈ సందర్భంగా భారత విదేశాంగ శాఖ మాట్లాడుతూ, ఆ దేశాల నుంచి భారత్ కు వచ్చే పౌరులకు తాత్కాలికంగా వీసాల జారీని నిలిపివేస్తున్నామని ప్రకటించింది.