cinema: అవును.. తాగుతాను.. ఎందుకు భయపడాలి?: మలయాళ నటి వీణ నందకుమార్
- ‘కెట్టోయ్‌లాన్ ఎంటె మాలఖా’ సినిమాలో నటించిన వీణ నందకుమార్
- ఈ అలవాటును నాకు నేనుగా చేసుకున్నా
- బీర్ తాగడం గురించి ఎంతైనా మాట్లాడతా
తాను బీర్ బాగా తాగుతానని అంటోంది మలయాళ సినీ హీరోయిన్‌ వీణ నందకుమార్. ఇటీవల వచ్చిన ‘కెట్టోయ్‌లాన్ ఎంటె మాలఖా’ అనే చిత్రంలో ఆమె నటించింది. ఈ సినిమాకు మంచి స్పందన వచ్చింది. ఈ నేపథ్యంలో ఆమె ఓ ఇంటర్వ్యూలో మాట్లాడింది.
తనకున్న తాగుడు అలవాటు వలన ఎవ్వరినీ ఇబ్బంది పెట్టలేదని వీణ సమర్థించుకుంది. ఈ అలవాటును తనకు తానుగా చేసుకున్నానని చెప్పింది. తాను తాగుతానన్న విషయాన్ని చెప్పడానికి భయపడబోనని తెలిపింది.
అసలు ఈ విషయాన్ని చెప్పేందుకు తానెందుకు భయపడాలని వీణ ప్రశ్నించింది. తాగడం నేరమేమీ కాదని చెప్పుకొచ్చింది. బీర్ తాగడం గురించి తాను ఎంతైనా మాట్లాడతానని, యువతకు బీర్ తాగడం ఇప్పుడు అలవాటుగా మారింది కదా? అంది. ఆమె చేసిన వ్యాఖ్యలపై తీవ్ర విమర్శలు వస్తున్నాయి.