Surya: సూర్య సరసన ఛాన్స్ కొట్టేసిన మాళవిక మోహనన్
- హరి దర్శకత్వంలో మరోసారి సూర్య
- ఏప్రిల్లో రెగ్యులర్ షూటింగ్ మొదలు
- దీపావళికి ప్రేక్షకుల ముందుకు
సూర్య అభిమానులంతా ఆయన తాజా చిత్రమైన 'సూరరై పొట్రు' కోసం ఎంతో ఆత్రుతగా ఎదురుచూస్తున్నారు. తమిళంతో పాటు తెలుగులోను ఈ సినిమాను విడుదల చేయడానికి సన్నాహాలు చేస్తున్నారు. ఈ సినిమా తరువాత హరి దర్శకత్వంలో సూర్య 'అరువా' చేస్తున్నాడు. గతంలో తనకి వరుస హిట్లు ఇచ్చిన కారణంగానే సూర్య ఆయనకి మరో అవకాశం ఇచ్చాడు.
ఇంతవరకూ సూర్యను యాక్షన్ హీరోగానే ఎక్కువగా చూపించిన హరి, ఈ సారి ఫ్యామిలీ ఎమోషన్స్ ను ఎక్కువగా టచ్ చేయనున్నట్టు చెబుతున్నారు. ఈ సినిమాలో కథానాయికగా రష్మికను తీసుకోనున్నట్టుగా వార్తలు వచ్చాయి. తాజాగా మాళవిక మోహనన్ పేరు తెరపైకి వచ్చింది. మలయాళ సినిమాలతో గుర్తింపు తెచ్చుకుంటున్న ఈ సుందరి, 'పేట' సినిమాతో క్రేజ్ పెంచుకుంది. ప్రస్తుతం విజయ్ 'మాస్టర్' సినిమాలో నటిస్తోంది. ఆమెను కథానాయికగా ఎంపిక చేసినట్టుగా తెలుస్తోంది. ఏప్రిల్లో షూటింగును మొదలుపెట్టి, 'దీపావళి'కి విడుదల చేయాలనే ఆలోచనలో వున్నారు.
