Telangana: రేపటికి వాయిదాపడ్డ తెలంగాణ శాసనసభ
- గవర్నర్ ప్రసంగానికి ధన్యవాదాల తీర్మానానికి ఆమోదం
- తీర్మానాన్ని ప్రవేశపెట్టిన టీఆర్ఎస్ సభ్యుడు ఆరూరి రమేశ్
- బలపరిచిన టీఆర్ఎస్ మరో సభ్యుడు వివేకానంద
తెలంగాణ శాసనసభ రేపటికి వాయిదా పడింది. గవర్నర్ ప్రసంగానికి ధన్యవాదాలు తెలిపే తీర్మానానికి అసెంబ్లీ ఆమోదం తెలిపింది. ఈ రోజు ఉదయం పది గంటలకు ప్రారంభమైన శాసనసభలో గవర్నర్ ప్రసంగానికి ధన్యవాదాలు తెలిపే తీర్మానాన్ని టీఆర్ఎస్ సభ్యుడు ఆరూరి రమేశ్ ప్రవేశపెట్టగా, మరో సభ్యుడు వివేకానంద బలపరిచారు. ఈ తీర్మానంపై సీఎం కేసీఆర్ సహా అధికార, ప్రతిపక్ష సభ్యులు మాట్లాడారు. అనంతరం శాసనసభను రేపటికి వాయిదా వేస్తున్నట్లు స్పీకర్ పోచారం శ్రీనివాస్ రెడ్డి ప్రకటించారు.