RSS: వార్షిక సమావేశాలను రద్దు చేసుకున్న ఆరెస్సెస్
- రేపటి నుంచి మూడు రోజుల పాటు జరగాల్సిన సమావేశాలు
- హాజరు కావాల్సిన 1500 మంది ప్రతినిధులు
- కరోనా వైరస్ నేపథ్యంలో సమావేశాలు రద్దు
బెంగళూరులో జరగాల్సిన వార్షిక సమావేశాలను (అఖిల భారతీయ ప్రతినిధి సభ సమావేశాలు) ఆరెస్సెస్ రద్దు చేసుకుంది. కరోనా వైరస్ నేపథ్యంలో ఈ నిర్ణయం తీసుకుంది. రేపటి నుంచి జరగాల్సిన సమావేశాలను రద్దు చేసినట్టు ఆరెస్సెస్ జనరల్ సెక్రటరీ భయ్యా జోషి తెలిపారు. బెంగళూరులోని జనసేవ విద్యా కేంద్రంలో రేపటి నుంచి మూడు రోజుల పాటు ఈ సమావేశాలు జరగాల్సి ఉంది. ఈ సమావేశాలకు ఆరెస్సెస్, దాని అనుబంధ విభాగాలకు చెందిన దాదాపు 1500 మంది ప్రతినిధులు హాజరుకావాల్సి ఉంది. మరోవైపు, కరోనా నేపథ్యంలో బెంగళూరు హైఅలర్ట్ లో ఉంది. పలు షాపింగ్ మాల్స్ కూడా మూతపడ్డాయి.
