Bandla Ganesh: 44 ఏళ్ల కిందట మా పరిస్థితి ఇలా ఉండేది: బండ్ల గణేశ్ ఆసక్తికర వ్యాఖ్యలు
- వీడియో ట్వీట్ చేసిన బండ్ల గణేశ్
- ఓ వ్యక్తి సైకిల్ కు పూజ చేస్తున్న దృశ్యాలతో వీడియో
- లవ్యూ నాన్నా అంటూ తండ్రిని స్మరించుకున్న బండ్ల గణేశ్
ఇటీవల కాలంలో టాలీవుడ్ నటుడు, నిర్మాత బండ్ల గణేశ్ సోషల్ మీడియాలో పెడుతున్న పోస్టులు ఎంతో ఆసక్తి కలిగించేలా ఉంటున్నాయి. రాజకీయాలకు దూరమై మళ్లీ చిత్రరంగంతో మమేకమైన బండ్ల గణేశ్ ఓవైపు తన ప్రత్యర్థులపై పరోక్ష వ్యాఖ్యలు చేస్తూనే, మరోవైపు ఆసక్తికర ట్వీట్లు చేస్తున్నారు. తాజాగా ఆయన మరో ట్వీట్ చేశారు.
44 ఏళ్ల క్రితం తాను, తన తండ్రి ఇలాంటి పరిస్థితుల్లోనే ఉన్నామని వెల్లడించారు. ఈ క్రమంలో బండ్ల గణేశ్ ఓ వీడియో పోస్టు చేశారు. అందులో ఓ వ్యక్తి సైకిల్ కు పూజ చేసి దండం పెడుతుండగా, పక్కనే ఓ చిన్నారి కేరింతలు కొడుతుండడం చూడొచ్చు. అంతేకాదు, నువ్వంటే ఎప్పటికీ ఇష్టం నాన్నా అంటూ బండ్ల గణేశ్ తండ్రిని స్మరించుకున్నారు.
