Raashi Khanna: సాయితేజ్... ఈ పాట నీ పెళ్లిలో పాడతా!: రాశీ ఖన్నా
- సాయితేజ్ హీరోగా సోలో బ్రతుకే సో బెటర్ చిత్రం
- నా పెళ్లి అనే సాంగ్ రిలీజ్
- పాట చాలా బాగుందన్న రాశి
యువ హీరో సాయితేజ్ హీరోగా నటించిన సోలో బ్రతుకే సో బెటర్ చిత్రం నుంచి 'నా పెళ్లి' అనే సాంగ్ ను హీరో నితిన్ రిలీజ్ చేయడం తెలిసిందే. ఈ పాటకు విశేష స్పందన వస్తోంది. ఈ సాంగ్ లో వరుణ్ తేజ్, రానా కూడా కనిపించడంతో మరింత హైప్ ఏర్పడింది. ఈ నేపథ్యంలో, క్యూట్ హీరోయిన్ రాశీ ఖన్నా ట్విట్టర్ లో స్పందించింది.
"సాయితేజ్, ఈ పాట చాలా బాగుంది... నీ పెళ్లిలో పాడతాను" అంటూ కామెంట్ చేసింది. అంతేకాదు, సంగీతం అందించిన తమన్ ను కూడా అభినందించింది. కాగా, సుబ్బు డైరెక్షన్ లో వస్తున్న ఈ చిత్రంలో సాయితేజ్ సరసన నభా నటేశ్ హీరోయిన్ గా నటించింది. బీవీఎస్ఎన్ ప్రసాద్ నిర్మాణసారథ్యంలో తెరకెక్కిన ఈ ఎంటర్టయినర్ మూవీని లాక్ డౌన్ తర్వాత రిలీజ్ చేయనున్నారు.