ESI: ఈఎస్ఐ స్కామ్ కేసు.. తిరుపతిలో ఈఎస్ఐ మాజీ డైరెక్టర్ అరెస్ట్!
- టీడీపీ అధికారంలో ఉన్న వేళ విధులు
- ఆయన హయాంలోనే స్కామ్ జరిగినట్టు ఆరోపణలు
- నిన్న రాత్రి ఏసీబీ దాడులు
ఆంధ్రప్రదేశ్ లో తెలుగుదేశం పార్టీ అధికారంలో ఉన్న సమయంలో ఈఎస్ఐ స్కామ్ జరిగిందన్న ఆరోపణలున్న వేళ, ఆ శాఖ డైరెక్టర్ గా పనిచేసిన రమేశ్ కుమార్ ను కూడా ఏసీబీ అదుపులోకి తీసుకుంది. ఆయన తిరుపతిలో నివాసం ఉంటుండగా, గత రాత్రి, అచ్చెన్నాయుడితో పాటు, ఆయన ఇంటిపైనా ఏకకాలంలో దాడులు చేసిన అధికారులు, ఈ ఉదయం ఆయన్ను అరెస్ట్ చేసినట్టు ప్రకటించారు. ఈ స్కామ్ లో ఆయనపైనా ఆరోపణలు వెల్లువెత్తిన సంగతి తెలిసిందే. అచ్చెన్నాయుడి మాదిరిగానే, రమేశ్ కుమార్ ను కూడా విజయవాడ తరలిస్తున్నారా? అన్న విషయంలో ఇంకా స్పష్టత రాలేదు.