Vijay Sai Reddy: ఇది దేశంలోనే ఒక రికార్డు: విజయసాయిరెడ్డి
- సీఎం జగన్ పై విజయసాయిరెడ్డి ప్రశంసలు
- చెప్పాడంటే చేసి చూపిస్తాడని కితాబు
- 9.44 లక్షల మందికి పింఛన్లు మంజూరు చేసినట్టు వెల్లడి
సీఎం జగన్ ఒక్కసారి మాట ఇచ్చాడంటే తప్పడం కల్ల అని, చెప్పాడంటే చేసి చూపిస్తాడని వైసీపీ ఎంపీ విజయసాయిరెడ్డి స్పష్టం చేశారు. ప్రజలకు సంబంధించిన ఏ పనులు అయినా నిర్దిష్ట కాలపరిమితితో జరుగుతాయని సీఎం జగన్ జూన్ 9న ప్రకటించారని, ఆ ప్రకటన ఫలితమే దరఖాస్తు చేసిన 10 రోజుల్లోనే 96,568 మందికి కొత్తగా పింఛన్లు వచ్చాయని వెల్లడించారు. ఏడాదిలోనే జగన్ సర్కారు 9.44 లక్షల మందికి పింఛన్లు మంజూరు చేసిందని తెలిపారు. ఇది దేశంలోనే ఒక రికార్డు అని విజయసాయిరెడ్డి వివరించారు.
