Jurala: ఈ సీజన్ లో తొలిసారి... జూరాలకు మొదలైన వరద!
- తూర్పు కర్ణాటకలో వర్షాలు
- చిన్న కాలువలు, వాగుల్లో పారుతున్న నీరు
- 4 వేల క్యూసెక్కులకు పైగా వరద
ప్రస్తుత వర్షాకాల సీజన్ లో కృష్ణా నదిలో వరదనీటి ప్రవాహం ప్రారంభమైంది. తూర్పు కర్ణాటక ప్రాంతంలో పడుతున్న వర్షాలతో చిన్న చిన్న కాలువలు, వాగుల్లో పారుతున్న నీరు నదిలోకి వచ్చి దిగువకు ప్రవహిస్తోంది. ఈ నేపథ్యంలో జూరాల వద్ద ఈ ఉదయం 4 వేల క్యూసెక్కులకు పైగా నీరు వస్తోంది. జలాశయం సామర్థ్యం దాదాపు 10 టీఎంసీలు కాగా, ప్రస్తుతం సుమారు 6 టీఎంసీల నీరు నిల్వ ఉంది. మరికొన్ని రోజులు వర్షాలు కురుస్తాయని వాతావరణ శాఖ అధికారులు అంచనా వేస్తుండటంతో, ఈ నెల రెండోవారంలోపు జూరాల నిండి శ్రీశైలానికి నీటి విడుదల ప్రారంభం కావచ్చని భావిస్తున్నారు.
