Rakul Preet Singh: సినిమా కబుర్లు.. సంక్షిప్త సమాచారం
- అప్పుడే పదేళ్లవుతోందంటున్న రకుల్
- షూటింగుకి సిద్ధమవుతున్న గోపీచంద్
- చైతూ, విక్రంకుమార్ సినిమా అప్ డేట్
* 'సినిమాల్లోకి వచ్చిన కొత్తలో ఇక్కడ ఓ ఐదేళ్లు ఉండగలిగితే చాలనుకున్నా'నని చెబుతోంది కథానాయిక రకుల్ ప్రీత్ సింగ్. 'ఇక్కడ నాకంటూ ఎవరూ అండ లేరు. నా కష్టాన్ని, ప్రతిభను నమ్ముకుని వచ్చాను. ఐదేళ్లు వుంటే చాలనుకున్నాను. అలాంటిది పదేళ్లవుతోంది. భగవంతుడి దయవల్ల ఇంకా కొనసాగుతున్నాను. అందుకే ఇక్కడ ప్రతి క్షణాన్ని ఆస్వాదిస్తున్నాను' అని చెప్పింది రకుల్.
* యాక్షన్ హీరో గోపీచంద్ హీరోగా రూపొందుతున్న 'సీటీమార్' చిత్రం తదుపరి షెడ్యూలు షూటింగ్ ఆగస్టు నుంచి నిర్వహించడానికి ప్లాన్ చేస్తున్నారు. ఈ చిత్రం షూటింగుతో పాటు తేజ దర్శకత్వంలో రూపొందే 'అలివేలుమంగ వెంకటరమణ' చిత్రం షూటింగులో కూడా గోపీచంద్ వచ్చే నెల నుంచి పాల్గొంటాడట.
* నాగ చైతన్య హీరోగా విక్రంకుమార్ దర్శకత్వంలో ఓ చిత్రం రూపొందనున్న సంగతి తెలిసిందే. కాగా, ఈ చిత్రం షూటింగ్ వచ్చే ఏడాది వేసవిలో ప్రారంభమవుతుంది. ఇందులో సమంత కథానాయికగా నటిస్తుంది. ఈ చిత్రానికి 'థ్యాంక్ యూ' అనే టైటిల్ని పరిశీలిస్తున్నారు.