Rakul Preet Singh: సినిమా కబుర్లు.. సంక్షిప్త సమాచారం
- కాబోయే భర్త గురించి చెప్పిన రకుల్
- ఓటీటీ వైపు దృష్టి సారిస్తున్న రాజమౌళి
- 'ఐ ఫోన్'తో మలయాళ సినిమా షూటింగ్
* వివాహ వ్యవస్థపై తనకు ఎంతో నమ్మకముందని చెబుతోంది అందాల కథానాయిక రకుల్ ప్రీత్ సింగ్. 'వివాహ వ్యవస్థ మీద, ప్రేమ మీద నాకు పూర్తి నమ్మకం వుంది. ఇక నాకు కాబోయే వాడు ఎలా ఉండాలంటే, మంచి పొడగరి అయివుండాలి. ఎంత పొడగరి అంటే, నేను హైహీల్స్ వేసుకున్నా అతనే పొడుగ్గా వుండాలి. అలాగే, మంచి తెలివైన వాడై వుండాలి..' అంటూ కొన్ని లక్షణాలతో కూడిన ఓ లిస్టును మన ముందు పెట్టింది రకుల్.
* ఈ లాక్ డౌన్ సమయంలో ఓటీటీ ప్లాట్ ఫాం విలువ మరింత పెరిగింది. చాలామంది వీటికి కంటెంట్ సమకూర్చే పనుల్లో పడుతున్నారు. స్టార్ హీరోయిన్లు కూడా వెబ్ సీరీస్ వైపు వస్తున్నారు. ఈ నేపథ్యంలో ప్రముఖ దర్శకుడు రాజమౌళి కూడా ఓటీటీకి కంటెంట్ ప్రొడ్యూస్ చేయాలని నిర్ణయించుకున్నారట. ఇందుకు సంబంధించిన ప్రణాళికలను ఆయన సిద్ధం చేస్తున్నట్టు సమాచారం.
* తాజాగా మలయాళంలో ఇద్దరు స్టార్ హీరోలు కలసి ఓ సినిమాలో నటిస్తున్నారు. ఇందులో విశేషం లేకపోయినా ఈ చిత్రాన్ని 'ఐ ఫోన్'తో చిత్రీకరించనుండడం విశేషంగా చెప్పుకోవాలి. ఫహద్ ఫాజిల్, రోషన్ మాథ్యూ కలసి నటిస్తున్న ఈ చిత్రాన్ని దర్శకుడు మహేశ్ నారాయణన్ ఐ ఫోన్ తో చిత్రీకరిస్తాడట.
