traffic: హైదరాబాద్‌లో ట్రాఫిక్ ను మళ్లిస్తోన్న పోలీసులు.. ఈ ప్రాంతాల మీదుగా వెళ్తే సేఫ్!
- శంషాబాద్‌ విమానాశ్రయానికి ఓఆర్ఆర్‌పై నుంచే వెళ్లాలి
- మెహిదీపట్నం నుంచి గచ్చిబౌలి వెళ్లేవారు సెవెన్‌ టూంబ్స్‌ నుంచి వెళ్లాలి
- మలక్‌పేట్-ఎల్బీనగర్ మార్గం పూర్తిగా బ్లాక్
- మూసారాం బాగ్ బ్రిడ్జి దగ్గర నిలిచిన ట్రాఫిక్
హైదరాబాద్ లో కురుస్తోన్న భారీ వర్షాల కారణంగా రహదారులన్నీ జలమయమైన విషయం తెలిసిందే. ఈ నేపథ్యంలో వాహనదారులు తీవ్ర ఇబ్బందులు ఎదుర్కొంటున్నారు. వాహనాలు నత్తనడకన ముందుకు కదులుతున్నాయి. ట్రాఫిక్‌ను క్రమబద్ధీకరించేందుకు ట్రాఫిక్ పోలీసులు చర్యలు చేపట్టారు. పలు మార్గాల్లో వాహనాల రాకపోకలను నిలిపేసిన పోలీసులు ట్రాఫిక్ ను మళ్లిస్తున్నారు.
- హైదరాబాద్-కర్నూలు హైవే దెబ్బతింది. దీంతో శంషాబాద్‌ విమానాశ్రయానికి వెళ్లేవారందరూ ఓఆర్ఆర్‌పై నుంచే వెళ్లాలని చెప్పారు.
- మెహిదీపట్నం నుంచి గచ్చిబౌలి వెళ్లేవారు టోలిచౌక్‌ ప్లైఓవర్ వాడకూడదని, సెవెన్‌ టూంబ్స్‌ నుంచి వెళ్లాలని తెలిపారు.
- పురానాపూల్ 100 ఫీట్ల రోడ్డును పూర్తిగా మూసేసి, వాహనాలను కార్వాన్‌ మీదుగా మళ్లిస్తున్నారు.
- మరోవైపు మలక్‌పేట్ ఆర్‌యూబీ రోడ్ బ్లాక్ కావడంతో ఆ మార్గంలో వచ్చే వాహనాలను ఇతర ప్రత్యామ్నాయ మార్గాల ద్వారా పంపుతున్నారు.
- మలక్‌పేట్ వద్ద నాలా పొంగడంతో మలక్‌పేట్-ఎల్బీనగర్ మార్గం పూర్తిగా బ్లాక్ అయ్యింది.
- మూసీ నది నుంచి బయటకు నీరు రావడంతో మూసారాం బాగ్ బ్రిడ్జి దగ్గర ట్రాఫిక్ నిలిచిపోయింది.