Donald Trump: ట్రంప్ కుమారుడు బారన్ కు సోకిన కరోనా!
- లక్షణాలు లేకుండా సోకిన వ్యాధి
- ప్రస్తుతం చికిత్స జరుగుతోంది
- వెల్లడించిన మెలానియా ట్రంప్
అమెరికా అధ్యక్షుడు డొనాల్డ్ ట్రంప్, మెలానియాల కుమారుడు బారన్ ట్రంప్ (14)కు కరోనా సోకింది. ఈ విషయాన్ని బుధవారం నాడు వెల్లడించిన మెలానియా, బారన్ లో వైరస్ లక్షణాలు లేవని, అయితే, తాజాగా నమూనాలను పరీక్షించగా, కరోనా సోకినట్టు తేలిందని అన్నారు. ప్రస్తుతం బారన్ కు చికిత్స జరుగుతోందని తెలిపారు. కాగా, ఈ నెల 2న ట్రంప్, మెలానియాలకు వైరస్ సోకిన సంగతి తెలిసిందే. ఆపై ట్రంప్ మూడు రోజుల పాటు ఆసుపత్రిలోనూ చేరాల్సి వచ్చింది. ట్రంప్ కోలుకుని ఎన్నికల ప్రచారం నిర్వహిస్తుండగా, మెలానియా ఇంకా క్వారంటైన్ లో ఉన్నారు.
