Rashmika Mandanna: రామ్ చరణ్ సరసన రష్మిక?
- చిరంజీవి హీరోగా కొరటాల 'ఆచార్య'
- కీలక పాత్రలో నటిస్తున్న రామ్ చరణ్
- పాత్ర నచ్చడంతో ఓకే చెప్పిన రష్మిక
- విద్యార్ధి నాయకుడి పాత్రలో చరణ్
'సరిలేరు నీకెవ్వరూ', 'భీష్మ' చిత్రాల విజయాలతో కథానాయిక రష్మిక రేంజ్ టాలీవుడ్ లో బాగా పెరిగింది. స్టార్ హీరోలు చాలామంది ఆమెనే కోరుకుంటూ ఉండడంతో పారితోషికం కూడా పెంచేసింది. అయినా, ఆమెకు పలు ఆఫర్లు వస్తున్నాయి. ఈ క్రమంలో మరో స్టార్ హీరో రామ్ చరణ్ సరసన నటించే అవకాశం కూడా ఈ ముద్దుగుమ్మకు తాజాగా వచ్చినట్టు తెలుస్తోంది.
మెగాస్టార్ చిరంజీవి హీరోగా కొరటాల శివ దర్శకత్వంలో 'ఆచార్య' సినిమా రూపొందుతున్న సంగతి విదితమే. ఇందులో రామ్ చరణ్ అతిథిగా ఓ కీలక పాత్రను పోషిస్తున్నాడు. ఆయన ఇందులో విద్యార్థి నాయకుడుగా కనిపిస్తాడని అంటున్నారు. ఆయన సరసన హీరోయిన్ కూడా వుంటుందట. దాంతో తాజాగా ఆ పాత్రకు రష్మికను సంప్రదించారట. పాత్ర నచ్చడంతో ఆమె ఓకే చెప్పినట్టు తాజా సమాచారం. వచ్చే ఏడాది ఆమె ఈ చిత్రం షూటింగులో జాయిన్ అవుతుందని అంటున్నారు.
ఇక 'ఆచార్య' షూటింగు విషయానికి వస్తే, గత కొన్నాళ్లుగా ఈ చిత్రం షూటింగ్ హైదరాబాదులో జరుగుతోంది. చిరంజీవి కూడా నిన్నటి నుంచి షూట్ లో పాల్గొంటున్నారు. ప్రస్తుతం ఆయనపై యాక్షన్ సీక్వెన్స్ ను చిత్రీకరిస్తున్నట్టు తెలుస్తోంది.