Thamanna: 'తమన్నానే రియల్ హీరో' అంటున్న హీరో!
- కన్నడలో హిట్టయిన 'లవ్ మాక్ టైల్'
- 'గుర్తుందా శీతాకాలం' పేరిట రీమేక్
- హీరో హీరోయిన్లుగా సత్యదేవ్, తమన్నా
- తమన్నాతో గ్రాఫ్ మారిందంటున్న హీరో
స్టార్ హీరోల సరసన పలు సినిమాలలో నటించిన అగ్రతార తమన్నా ఇప్పుడు ఓ చిన్న సినిమాలో సత్యదేవ్ సరసన కథానాయికగా నటిస్తోంది. ఆ సినిమా పేరు 'గుర్తుందా శీతాకాలం'. కన్నడలో వచ్చిన 'లవ్ మాక్ టైల్' హిట్ సినిమా ఆధారంగా దీనిని నిర్మిస్తున్నారు. దీనికి కన్నడ దర్శకుడు నాగశేఖర్ దర్శకత్వం వహిస్తున్నారు. ప్రస్తుతం ఈ చిత్రం రెండో షెడ్యూలు షూటింగ్ హైదరాబాదులో జరుగుతోంది.
ఇందులో నటించడం గురించి తమన్నా చెబుతూ, లాక్ డౌన్ సమయంలో చాలా కథలు విన్నాను. అయితే, ఈ కథ వినగానే ఎందుకో ఇందులో నటించాలని వెంటనే అనిపించింది. అందుకే ఒప్పేసుకున్నాను. ఇలాంటి రొమాంటిక్ డ్రామాలో నటించి చాలాకాలం అయింది. ఇక సత్యదేవ్ ఈ సినిమాకి పెర్ఫెక్ట్ హీరో అవుతాడు' అని చెప్పింది.
హీరో సత్యదేవ్ చెబుతూ, ఇందులో తమన్నా నటిస్తున్నారని ప్రకటించినప్పటి నుంచీ ఈ సినిమా గ్రాఫ్ ఒక్కసారిగా మారిపోయింది. అందుకే, ఈ సినిమాకి హీరో నేను కాదు.. తమన్నానే రియల్ హీరో' అని చెప్పాడు. కన్నడలో తాను స్టార్ డైరెక్టర్ అయినప్పటికీ, తెలుగులో తనకిదే తొలి సినిమా అని చెప్పారు దర్శకుడు నాగశేఖర్.
