Corona Virus: తెలంగాణలో కరోనా కేసుల అప్‌డేట్స్‌!
- కొత్త‌గా 178 కరోనా కేసులు
- మొత్తం కరోనా కేసుల సంఖ్య 2,98,631
- మృతుల సంఖ్య 1,633
- జీహెచ్ఎంసీలో కొత్త‌గా 30 కరోనా కేసులు
తెలంగాణలో కొత్త‌గా 178 కరోనా కేసులు నమోదయ్యాయి. రాష్ట్ర వైద్య, ఆరోగ్య శాఖ ఈ రోజు ఉదయం వెల్లడించిన కరోనా కేసుల వివరాల ప్ర‌కారం... గత 24 గంటల్లో కరోనాతో ఒక‌రు ప్రాణాలు కోల్పోయారు. అదే సమయంలో 148 మంది కోలుకున్నారు.
ఇక రాష్ట్రంలో నమోదైన మొత్తం కరోనా కేసుల సంఖ్య 2,98,631కి చేరింది. ఇప్పటివరకు మొత్తం 2,95,059 మంది కోలుకున్నారు. మృతుల సంఖ్య 1,633 గా ఉంది. తెలంగాణలో ప్రస్తుతం 1,939 మంది కరోనాకు చికిత్స పొందుతున్నారు. వారిలో 850 మంది హోం క్వారంటైన్ లో చికిత్స తీసుకుంటున్నారు. జీహెచ్ఎంసీలో కొత్త‌గా 30 కరోనా కేసులు నమోదయ్యాయి.
