Sai Pallavi: ‘సారంగ దరియా’ పాటను విడుద‌ల చేసిన సమంత.. డ్యాన్సుతో అల‌రిస్తోన్న సాయిపల్లవి
- ద‌ర్శ‌కుడు శేఖ‌ర్ క‌మ్ముల రూపొందిస్తోన్న లవ్‌స్టోరి
- హీరో, హీరోయిన్లుగా నాగ చైత‌న్య, సాయి ప‌ల్ల‌వి
- ఏప్రిల్‌ 16న ‘లవ్‌స్టోరి’ సినిమా విడుద‌ల
ద‌ర్శ‌కుడు శేఖ‌ర్ క‌మ్ముల రూపొందిస్తోన్న ల‌వ్ స్టోరీ సినిమా నుంచి ‘సారంగ దరియా’ పాటను హీరోయిన్ సమంత త‌న ట్విట్టర్ ఖాతా ద్వారా విడుద‌ల చేసింది. సాయిపల్లవి డ్యాన్సుతో మెస్మరైజ్ చేసింద‌ని సమంత పేర్కొంది. ఈ సినిమాలో నాగ చైత‌న్య, సాయి ప‌ల్ల‌వి హీరో, హీరోయిన్లుగా న‌టిస్తోన్న విష‌యం తెలిసిందే.
‘సారంగ దరియా’ పాట లిరిక్స్‌తో పాటు సాయిపల్లవి డ్యాన్స్ అల‌రిస్తోంది. ఇటీవ‌ల ఈ పాట‌కు సంబంధించిన ప్రోమోలు విడుద‌ల చేసి, దీనిపై ఆసక్తిని పెంచారు. తెలంగాణ జానపద పాటగా సాగుతోన్న ఈ పాటను మంగ్లీ పాడింది. సుద్దాల అశోక్‌ తేజ లిరిక్స్‌ అందించారు. ఈ సినిమాకు పవన్‌ సీహెచ్ సంగీతం అందిస్తున్నారు. ఏప్రిల్‌ 16న ‘లవ్‌స్టోరి’ సినిమా ప్రేక్షకుల ముందుకు రానుంది. సోనాలి నారంగ్ సమర్పణలో శ్రీవెంకటేశ్వర సినిమాస్, అమిగోస్ క్రియేషన్స్ సంస్థలు సంయుక్తంగా ఈ సినిమాను నిర్మిస్తున్నాయి.