Pawan Kalyan: తెలంగాణ బీజేపీ నేత‌లపై ప‌వ‌న్ క‌ల్యాణ్ ఆగ్ర‌హం.. టీఆర్ఎస్ అభ్యర్థి వాణీదేవికి మ‌ద్ద‌తు
- బీజేపీ జాతీయ నాయకత్వంతో కలిసి పనిచేస్తున్నాం
- బీజేపీ తెలంగాణ శాఖ మాత్రం మ‌మ్మ‌ల్ని అవమానించింది
- మా పార్టీని చుల‌కన చేసేలా ఆ పార్టీ నేత‌లు మాట్లాడారు
తెలంగాణ బీజేపీ నేత‌లు త‌మపై ప్ర‌ద‌ర్శిస్తోన్న తీరుప‌ట్ల జనసేన నేత ప‌వ‌న్ క‌ల్యాణ్ మండిప‌డ్డారు. ఈ రోజు నిర్వ‌హించిన జనసేన ఆవిర్భావ దినోత్సవ స‌మావేశంలో ఆయన మాట్లాడుతూ... తాము బీజేపీ జాతీయ నాయకత్వంతో కలిసి పనిచేస్తున్నామ‌ని గుర్తు చేశారు.
అయితే, బీజేపీ తెలంగాణ రాష్ట్ర శాఖ మాత్రం తమను అవమానించిందని చెప్పారు. త‌మ పార్టీని చుల‌కన చేసేలా ఆ పార్టీ నేత‌లు మాట్లాడార‌ని వివ‌రించారు. తమను పదే పదే అవమానిస్తున్నార‌ని చెప్పారు. ఈ నేప‌థ్యంలో తాము తెలంగాణలో టీఆర్ఎస్
ఎమ్మెల్సీ అభ్యర్థి, మాజీ ప్ర‌ధాని పీవీ న‌రసింహారావు కూతురు వాణిదేవికి మద్దతిస్తున్నామని చెప్పారు. దేశంలో ఆర్థిక సంస్కరణలు తెచ్చిన గొప్ప వ్య‌క్తి పీవీ అని చెప్పారు.