Idupulapaya IIIT: ఇడుపులపాయ ట్రిపుల్ ఐటీలో కరోనా కలకలం... సెలవులు ప్రకటించిన అధికారులు
- ఏపీలో కరోనా విజృంభణ
- పలు విద్యాసంస్థల్లోనూ కరోనా వ్యాప్తి
- ఇడుపులపాయ ట్రిపుల్ ఐటీలో పలువురు విద్యార్థులకు పాజిటివ్
- పీ-2, ఈ-3 విభాగాల విద్యార్థులకు సెలవులు
- ఆన్ లైన్ లో క్లాసులు
ఏపీలో కరోనా మహమ్మారి శరవేగంగా పాకిపోతోంది. పలు విద్యాసంస్థల్లోనూ వ్యాపిస్తున్న కరోనా వైరస్ తాజాగా ఇడుపులపాయ ట్రిపుల్ ఐటీలోనూ కలకలం రేపింది. ఇడుపులపాయ ట్రిపుల్ ఐటీలో పలువురు విద్యార్థులు కరోనా బారినపడ్డారు. పీ-2, ఈ-3 విభాగాలకు చెందిన విద్యార్థులకు కరోనా పాజిటివ్ అని తేలడంతో ఆ రెండు విభాగాలకు అధికారులు సెలవులు ప్రకటించారు.
వారికి ఆన్ లైన్ లో పాఠాలు బోధిస్తామని ట్రిపుల్ ఐటీ అధికారులు తెలిపారు. పీ-1. ఈ-4 విభాగాల విద్యార్థులకు మాత్రం క్యాంపస్ లోనే తరగతులు కొనసాగుతాయని వివరించారు. కరోనా సోకిన విద్యార్థులను ఐసోలేషన్ కు తరలించినట్టు పేర్కొన్నారు. దీనిపై ఇడుపులపాయ ట్రిపుల్ ఐటీ డైరెక్టర్ సంధ్యారాణి మాట్లాడుతూ, కరోనా వ్యాప్తి కారణంగా పీ-2, ఈ-3 విభాగాలకు సెలవులు ఇస్తున్నామని చెప్పారు.
