gun: అమెరికాలోని పాఠ‌శాల‌లో కాల్పుల క‌ల‌క‌లం
- టేనస్సీలోని నాక్సివిల్లే నగరంలో ఘటన
- ఆస్టిన్ ఈస్ట్ మాగ్నెట్ హైస్కూల్‌లో కాల్పులు
- ఓ విద్యార్థి మృతి
- మ‌రో విద్యార్థి, పోలీస్ అధికారికి గాయాలు
అమెరికాలోని పాఠ‌శాల‌లో మ‌రోసారి కాల్పుల క‌ల‌క‌లం చెల‌రేగింది. తుపాకీ సంస్క‌ృతిని నియంత్రించాల‌ని అమెరికా అధ్యక్షుడు జో బైడెన్ ఇటీవ‌లే ఓ ప్రతిపాదన చేశారు. ఇంత‌లోనే ఈ ఘటన చోటు చేసుకోవడం గమనార్హం. తాజాగా, టేనస్సీలోని నాక్సివిల్లే నగరంలోని ఆస్టిన్ ఈస్ట్ మాగ్నెట్ హై స్కూల్‌లో కాల్పులు జ‌రిగాయి. దీంతో ఓ విద్యార్థి ప్రాణాలు కోల్పోగా, మ‌రో ఇద్ద‌రికి తీవ్ర‌గాయాల‌య్యాయి.
ఇందులో ఓ పోలీస్ అధికారి గాయ‌ప‌డ్డారు. ప్రస్తుతం వారికి ఆసుప‌త్రిలో చికిత్స అందుతోంది. ఈ కాల్పులు ఎందుకు జ‌రిగాయ‌న్న విష‌యంపై ఇంకా స్ప‌ష్ట‌త రాలేద‌ని, కాల్పుల్లో గాయ‌ప‌డి ప్రస్తుతం ఆసుప‌త్రిలో చికిత్స తీసుకుంటోన్న విద్యార్థిని విచారిస్తే ఈ ఘటనకు సంబంధించిన పూర్తి వివ‌రాలు తెలుస్తాయ‌ని పోలీసులు అంటున్నారు. ఈ ఘ‌ట‌న‌పై పోలీసులు త‌దుప‌రి విచార‌ణ కొన‌సాగిస్తున్నారు.