Mahesh Babu: దేవుడు మనల్ని యుద్ధరంగంలో పడేశాడు... మహేశ్ బాబు డైలాగులతో తెలంగాణ పోలీసుల వీడియో!
- జీవితం ఓ యుద్ధం
- అప్రమత్తంగా ఉండాల్సిందే
- మహేశ్ డైలాగులతో వీడియో
తెలంగాణలో కరోనా కేసులు రోజురోజుకూ పెరిగిపోతున్న వేళ, మాస్క్ ధరించడం, భౌతిక దూరం పాటించడంపై రాష్ట్ర పోలీసులు వినూత్న ప్రచారాన్ని ప్రారంభించారు. మాస్క్ ధరించి ఉన్న టాలీవుడ్ ప్రిన్స్ మహేశ్ బాబు పిక్ ను పోస్ట్ చేస్తూ, ఓ వీడియోను విడుదల చేశారు. మాస్క్ ల ప్రాధాన్యతను వివరించేలా ఉన్న ఈ వీడియో ఇప్పుడు వైరల్ అవుతోంది.
"జీవితం అనేది ఓ యుద్ధం. దేవుడు మనల్ని వార్ జోన్ లో పడేశాడు.అప్రమత్తంగా ఉండండి. మిమ్మల్ని మీరు రక్షించుకోండి" అంటూ మహేశ్ డైలాగులు కూడా ఇందులో వినిపిస్తున్నాయి. ఈ వీడియోను మీరు కూడా చూడవచ్చు.