TTD: రూ. 300 ప్రత్యేక దర్శన టికెట్లు బుక్ చేసుకున్న భక్తులకు టీటీడీ ఊరట
- ఏప్రిల్ 21- మే 31 మధ్య టికెట్లు బుక్ చేసుకున్న వారికి మరో ఛాన్స్
- ఏడాదిలో ఎప్పుడైనా దర్శనం చేసుకోవచ్చన్న టీటీడీ
- ప్రస్తుత కరోనా నేపథ్యంలో నిర్ణయం
తిరుమల శ్రీవారి దర్శనం కోసం రూ. 300 ప్రత్యేక దర్శన టికెట్లు బుక్ చేసుకున్న భక్తులకు టీటీడీ ఊరట కల్పించే ప్రకటన చేసింది. ఏప్రిల్ 21-మే 31 మధ్య ఆన్‌లైన్ ద్వారా రూ. 300 టికెట్లు బుక్ చేసుకున్న వారికి తేదీలు మార్చుకునే అవకాశం కల్పించింది.
ఏడాదిలోపు ఎప్పుడైనా వీరు స్వామి వారిని దర్శించుకోవచ్చని స్పష్టం చేసింది. ప్రస్తుత కరోనా నేపథ్యంలో భక్తులు తిరుమలకు రాలేని పరిస్థితి ఉందని, అందుకే ఈ వెసులుబాటు కల్పించినట్టు టీటీడీ తెలిపింది. భక్తులు ఈ విషయాన్ని గమనించాలని కోరింది.