pooja chopra: గుర్తుతెలియని ఇద్దరు వ్యక్తులు నా కారుని వెంబడించి ఇంటికి వ‌చ్చేశారు: హీరోయిన్ పూజాచోప్రా
- భ‌యాన‌క అనుభ‌వం ఎదురైంది
- తలుపు కొట్టి పిలిచారు
- తీశాక ఆటోగ్రాఫ్, సెల్ఫీ అడిగారు
- వారిని పంపించి, సీసీటీవీ ఫుటేజీ చూశాను
త‌న‌కు ఎదురైన ఓ భ‌యాన‌క అనుభ‌వాన్ని సినీ హీరోయిన్ పూజాచోప్రా ఓ ఇంట‌ర్వ్యూలో వివ‌రించి చెప్పింది. రెండు నెలల క్రితం ఇద్దరు వ్యక్తులు తన కారుని వెంబడించారని తెలిపింది. అంతే కాకుండా తన ఇంటికి వ‌చ్చి తలుపు కొట్టి పిలిచారని చెప్పింది. తలుపు తీశాక ఆటోగ్రాఫ్, సెల్ఫీ అడిగార‌ని వివ‌రించింది.
తాను అప్పుడే ఓ కొత్త అపార్ట్‌మెంట్‌లో ఇల్లు తీసుకున్నానని, ఆ అపార్ట్‌మెంట్‌లో సెక్యూరిటీ కళ్లుగప్పి ఆ ఇద్దరు గుర్తు తెలియని వ్యక్తులు ప్రవేశించారని చెప్పింది. తలుపు తీసి వారిని చూసి షాక్ అయ్యాన‌ని తెలిపింది. వాళ్లని చూడ‌గానే భయపడ్డానని తెలిపింది. ఆ స‌మ‌యంలో తన ఇంట్లో ఉన్న ఇద్దరు స్నేహితులు .. ఆ గుర్తు తెలియని వ్యక్తులను ఆరా తీశార‌ని, మీరు ఎవ‌రని అడిగార‌ని చెప్పింది.
అనంత‌రం వాళ్లని అక్కడి నుంచి పంపించివేశారని వివ‌రించింది. ఆ త‌ర్వాత తన సెక్యూరిటీకి ఫోన్‌ చేసి, బయటవాళ్లు అపార్ట్‌మెంట్‌లోకి ఎలా వచ్చారని ప్ర‌శ్నించాన‌ని చెప్పింది. సీసీ ఫుటేజీ పరిశీలించి చూస్తే వాళ్లిద్దరూ బైక్‌పై తన కారుని ఫాలో అవుతూ అపార్ట్‌మెంట్‌లోకి ప్రవేశించారని తెలిసిందని తెలిపింది. దీంతో తాను చాలా భయపడ్డానని చెప్పారు.
