Kajal Agarwal: సినిమా కబుర్లు.. సంక్షిప్త సమాచారం
- కథానాయిక ప్రధాన చిత్రంలో కాజల్
- మరో ప్రాజక్టుకి వెంకటేశ్ గ్రీన్ సిగ్నల్
- మహేశ్ కి విలన్ గా అరవింద్ స్వామి?
* గ్లామరస్ తార కాజల్ అగర్వాల్ తొలిసారిగా డీ-గ్లామరైజ్డ్ పాత్రలో కనిపించనుంది. నూతన దర్శకుడు జయశంకర్ రూపొందించే కథానాయిక ప్రధాన చిత్రంలో కాజల్ ఇలా డీ-గ్లామరైజ్డ్ పాత్రలో కనిపించనున్నట్టు సమాచారం. ఈ చిత్రానికి సంబంధించిన వివరాలను త్వరలో ప్రకటిస్తారు.
* ప్రస్తుతం 'నారప్ప', 'దృశ్యం 2', 'ఎఫ్ 3' చిత్రాలలో నటిస్తున్న ప్రముఖ నటుడు వెంకటేశ్ తాజాగా మరో చిత్రానికి ఓకే చెప్పినట్టు తెలుస్తోంది. 'కేరాఫ్ కంచరపాలెం' దర్శకుడు మహా వెంకటేశ్ ఇటీవల హీరో వెంకటేశ్ కి ఓ కథ చెప్పాడనీ, దానికి ఆయన గ్రీన్ సిగ్నల్ ఇచ్చారని అంటున్నారు.
* మహేశ్ బాబు హీరోగా పరశురామ్ దర్శకత్వంలో రూపొందుతున్న 'సర్కారు వారి పాట' చిత్రంలో ప్రధాన విలన్ పాత్రను ప్రముఖ నటుడు అరవింద్ స్వామి పోషించే అవకాశం వుంది. ఈ విషయంలో ప్రస్తుతం ఆయనతో చిత్ర బృందం సంప్రదింపులు జరుపుతోంది. ఇతర కీలక పాత్రలలో ప్రకాశ్ రాజ్, రావు రమేశ్ నటిస్తున్నారు. ఇందులో కీర్తి సురేశ్ నటిస్తోంది.