Kathi Mahesh: లారీని ఢీ కొన్న కారు.. కత్తి మహేశ్కు గాయాలు
- ఇన్నోవా కారులో ప్ర‌యాణించిన మహేశ్
- నెల్లూరు జిల్లాలోని కొడవలూరు మండలంలో ప్ర‌మాదం
- ఆసుప‌త్రిలో కత్తి మహేశ్కు చికిత్స
సినీ నటుడు, క్రిటిక్ కత్తి మహేశ్కు రోడ్డు ప్ర‌మాదంలో స్వ‌ల్ప గాయాల‌య్యాయి. ఇన్నోవా కారులో నెల్లూరు జిల్లాలోని కొడవలూరు మండలం చంద్రశేఖరపురం జాతీయ రహదారిపై ఆయ‌న ప్రయాణిస్తున్న స‌మ‌యంలో అది ఓ లారీని ఢీ కొట్టింది. దీంతో కారులో ఉన్న మహేశ్కు గాయాలు కావ‌డంతో ఆయ‌న వెంట‌నే నెల్లూరు మెడికేర్ ఆసుప‌త్రిలో చేరారు.
ఈ ఘటన నిన్న అర్ధరాత్రి చోటు చేసుకుంది. ఈ ప్ర‌మాదంలో కత్తి మహేశ్ కారు ధ్వంస‌మైన‌ట్లు తెలుస్తోంది. ఈ ప్రమాదంపై పూర్తి వివ‌రాలు తెలియాల్సి ఉంది. బిగ్‌బాస్ సీజ‌న్ 1 ద్వారా కత్తి మహేశ్ కు మంచి గుర్తింపు వ‌చ్చిన విష‌యం తెలిసిందే. ప‌లు సినిమాల్లోనూ ఆయ‌న న‌టించారు.