KTR: ఈ అంశాన్ని పాఠ్యపుస్తకాల్లో కూడా పేర్కొన్నారు: మంత్రి కేటీఆర్
- సిరిసిల్ల జిల్లాలో కేసీఆర్ పర్యటన
- కేసీఆర్ పర్యటనలో పాల్గొన్న కేటీఆర్
- మిషన్ కాకతీయ విజయవంతం అని వెల్లడి
- భూగర్భ జలాలు పెరిగాయని కేటీఆర్ వివరణ
సీఎం కేసీఆర్ ఇవాళ రాజన్న సిరిసిల్ల జిల్లాలో పలు అభివృద్ది పనులకు ప్రారంభోత్సవం చేయగా, ఈ పర్యటనలో రాష్ట్ర పురపాలక శాఖ మంత్రి కేటీఆర్ కూడా పాల్గొన్నారు. సిరిసిల్లలో జరిగిన ఓ కార్యక్రమంలో కేటీఆర్ మాట్లాడుతూ, మిషన్ కాకతీయ విజయవంతంగా పూర్తయిందని అన్నారు. సిరిసిల్ల జిల్లాలో భూగర్భ జలాలు 6 మీటర్లు పైకి వచ్చాయని వెల్లడించారు. ఈ అంశాన్ని పాఠ్యపుస్తకాల్లో కూడా పేర్కొన్నారని తెలిపారు.
జిల్లాలో మెడికల్ కాలేజీ, ఇంజినీరింగ్ కాలేజీ ఏర్పాటు చేయాల్సి ఉందని పేర్కొన్నారు. గత ఏడేళ్లలో సిరిసిల్ల జిల్లాలో అద్భుతాలు జరిగాయని కేటీఆర్ చెప్పుకొచ్చారు. కాళేశ్వరం, మిడ్ మానేరు గురించి ప్రత్యేకంగా చెప్పనక్కర్లేదన్నారు.
