Telangana: ఏపీ అభ్యంతరాలు బేఖాతరు... విద్యుదుత్పత్తిని మరింత పెంచిన తెలంగాణ
- ఏపీ, తెలంగాణ మధ్య ప్రాజెక్టు విభేదాలు
- తెలంగాణ విద్యుదుత్పత్తిపై ఏపీ అసంతృప్తి
- తాజాగా పులిచింతల వద్ద 50 మెగావాట్ల ఉత్పాదన
- మూడు యూనిట్ల నుంచి విద్యుదుత్పత్తి
ప్రాజెక్టుల ద్వారా విద్యుదుత్పత్తి అంశంలోనూ ఏపీ, తెలంగాణ మధ్య తీవ్ర విభేదాలు నెలకొన్నాయి. శ్రీశైలం ఎడమగట్టు విద్యుత్ కేంద్రం నుంచి తెలంగాణ నిబంధనలకు విరుద్ధంగా విద్యుదుత్పత్తి చేస్తోందని ఏపీ తీవ్ర ఆరోపణలు చేస్తుండడం తెలిసిందే. ఈ నేపథ్యంలో తెలంగాణ విద్యుదుత్పాదన మరింత పెంచింది.
కృష్ణానదిపై పులిచింతల ప్రాజెక్టు ద్వారా ఇప్పటివరకు 24 మెగావాట్ల విద్యుత్ ఉత్పత్తి చేసిన తెలంగాణ జెన్ కో... ఇవాళ మధ్యాహ్నం 50 మెగావాట్ల విద్యుత్ ఉత్పత్తి చేసిందని ఏపీ అధికారులు ఆరోపించారు. పులిచింతలలోని 3 యూనిట్ల నుంచి విద్యుత్ ను ఉత్పత్తి చేస్తున్నట్టు వెల్లడించారు.
