Kamal Haasan: కమలహాసన్ కొత్త చిత్రం 'విక్రమ్' నుంచి ఫస్ట్ లుక్ విడుదల

నట దిగ్గజం కమలహాసన్ తాజా చిత్రం 'విక్రమ్' నుంచి ఇవాళ ఫస్ట్ లుక్ విడుదలైంది. ఈ ఫస్ట్ లుక్ లో కమల్, విజయ్ సేతుపతి, ఫవాద్ ఫాజిల్ లను చూడొచ్చు. లోకేశ్ కనగరాజ్ దర్శకత్వంలో వస్తున్న ఈ చిత్రాన్ని పొలిటికల్ యాక్షన్ థ్రిల్లర్ జానర్ లో తెరకెక్కిస్తున్నారు. కమల్ సొంత నిర్మాణ సంస్థ రాజ్ కమల్ బ్యానర్ పై ఈ సినిమా రూపుదిద్దుకుంటోంది.

లోకేశ్ కనగరాజ్ ఇటీవల విజయ్ హీరోగా వచ్చిన 'మాస్టర్' చిత్రంతో ఆకట్టుకున్నాడు. ఈ నేపథ్యంలో, కమల్, లోకేశ్ కనగరాజ్ కాంబోపై భారీ హైప్ ఏర్పడింది. అయితే, ఈ సినిమా షూటింగ్ సెకండ్ వేవ్ సందర్భంగా నిలిచిపోయింది. ఇటీవలే పరిస్థితులు మెరుగవడంతో మళ్లీ సెట్స్ మీదకు వెళ్లింది. 'విక్రమ్' చిత్రంలో విజయ్ సేతుపతి, మలయాళ నటుడు ఫవాద్ ఫాజిల్ ఇతర ముఖ్య పాత్రల్లో నటిస్తున్నారు. అనిరుధ్ రవిచందర్ సంగీతం అందిస్తున్నారు.