Corona Virus: దేశంలో కరోనా కేసుల అప్‌డేట్స్‌!
- కొత్తగా 39,361 కరోనా కేసులు
- మొత్తం కరోనా కేసుల సంఖ్య 3,14,11,262
- నిన్న 416 మంది క‌రోనాతో మృతి
- మృతుల సంఖ్య మొత్తం 4,20,967
దేశంలో నిన్న కొత్తగా 39,361 కరోనా కేసులు న‌మోద‌య్యాయ‌ని కేంద్ర వైద్య, ఆరోగ్య మంత్రిత్వ శాఖ ప్ర‌క‌టించింది. దీంతో దేశంలో నమోదైన మొత్తం కరోనా కేసుల సంఖ్య 3,14,11,262కు చేరింది. అలాగే, నిన్న 35,968 మంది కోలుకున్నారు.
మరణాల విషయానికొస్తే... నిన్న 416 మంది క‌రోనాతో ప్రాణాలు కోల్పోయారు. దీంతో మృతుల సంఖ్య మొత్తం 4,20,967కు పెరిగింది. దేశంలో కరోనా నుంచి ఇప్పటివరకు 3,05,79,106 మంది కోలుకున్నారు. 4,11,189 మందికి ప్రస్తుతం ఆసుపత్రులు, హోం క్వారంటైన్‌లలో చికిత్స అందుతోంది. ఇప్పటివరకు మొత్తం 43,51,96,001 వ్యాక్సిన్ డోసులు వేశారు.