Charmy: టాలీవుడ్ డ్రగ్స్ కేసు: విచార‌ణ‌కు హాజ‌రైన హీరోయిన్ చార్మి
- ఈడీ కార్యాలయానికి చేరుకున్న చార్మి
- బ్యాంక్ ఖాతాల వివరాలు సేక‌రించే అవ‌కాశం
- కెల్విన్ ఇచ్చిన కీల‌క వివ‌రాల ఆధారంగా విచారణ
టాలీవుడ్ డ్రగ్స్ కేసులో న‌గ‌దు లావాదేవీల‌పై ఎన్‌ఫోర్స్‌మెంట్ డైరెక్టరేట్ (ఈడీ) విచారణ కొన‌సాగిస్తోన్న విష‌యం తెలిసిందే. పలువురు టాలీవుడ్ ప్రముఖులకు ఇప్పటికే నోటీసులు జారీ చేసిన ఈడీ, దర్శకుడు పూరీ జగన్నాథ్ నుంచి ప‌లు వివరాలు కూడా రాబ‌ట్టింది. ఈ రోజు విచార‌ణ‌లో భాగంగా హీరోయిన్ చార్మి ఈడీ కార్యాలయానికి చేరుకుంది. చార్మి వ్యక్తిగత బ్యాంక్ ఖాతాల వివరాలతో పాటు ఆమె ప్రొడక్షన్ హౌస్ నుంచి జరిగిన లావాదేవీలనూ అధికారులు పరిశీలించనున్నట్లు తెలుస్తోంది.
కెల్విన్ ఇచ్చిన కీల‌క వివ‌రాల ఆధారంగా ఈ కేసులో ఈడీ విచారణ కొనసాగిస్తోంది. 2017లోనూ చార్మి ఎక్సైజ్ శాఖ విచార‌ణ‌ను ఎదుర్కొన్న విష‌యం తెలిసిందే. అప్ప‌ట్లో విచారణ అనంత‌రం మీడియాతో మాట్లాడ‌కుండానే ఆమె ఇంటికి వెళ్లిపోయింది.
