Junior NTR: జూనియర్ ఎన్టీఆర్ సినిమాకు ఓకే చెప్పిన బాలీవుడ్ బ్యూటీ!
- యంగ్ టైగర్-కొరటాల కాంబినేషన్‌లో క్రేజీ ప్రాజెక్ట్
- హీరోయిన్‌గా బాలీవుడ్ భామ అలియాభట్ కోసం ప్రయత్నం
- రాజమౌళి ‘ఆర్ఆర్ఆర్’లో రామ్ చరణ్ జోడీగా నటిస్తున్న అలియా
దర్శకధీరుడు రాజమౌళి తెరకెక్కిస్తున్న ‘ఆర్ఆర్ఆర్’ చిత్రంలో రామ్ చరణ్ కు జోడీగా అలియాభట్ నటిస్తోంది. త్వరలో జూనియర్ ఎన్టీఆర్ నటించే సినిమాలో ఈమెను హీరోయిన్‌గా తీసుకుంటున్నట్టు సమాచారం. ఈ చిత్రానికి కొరటాల శివ దర్శకత్వం వహిస్తున్నారు.
కొరటాల-ఎన్టీఆర్ కలయికలో తెరకెక్కే ఈ క్రేజీ ప్రాజెక్టు త్వరలోనే పట్టాలెక్కనున్నట్లు సమాచారం. ఈ సినిమా కోసం అలియాభట్‌ను చిత్రబృందం సంప్రదించినట్లు వార్తలు వినిపిస్తున్నాయి. ఆమె కూడా ఈ చిత్రంలో నటించేందుకు అంగీకరించిందని, దీంతో క్రేజీ ప్రాజెక్టులో క్రేజీ హీరోయిన్ ఎంపికైందని టాలీవుడ్ వర్గాల్లో చర్చలు జరుగుతున్నాయి.
కాగా, కొరటాల-తారక్ కాంబినేషన్‌లో ఇప్పటికే ‘జనతా గ్యారేజ్’ వంటి భారీ హిట్ వచ్చిన సంగతి తెలిసిందే. వీరిద్దరి కాంబోలో తెరకెక్కే సినిమాపై ఇప్పటికే భారీ అంచనాలు నెలకొన్నాయి.
