Pooja Hegde: సినిమా కబుర్లు.. సంక్షిప్త సమాచారం
- 'బీస్ట్' షూటింగులో జాయిన్ అయిన పూజ
- దసరా రోజున పవన్ కొత్త సినిమా లాంచ్
- యాక్షన్ హీరోగా రానున్న ప్రభు దేవా
* ఓపక్క తెలుగు సినిమాలు.. మరోపక్క హిందీ సినిమాలు చేస్తూ బిజీగా వున్న అందాలతార పూజ హెగ్డే.. ఇంకోపక్క 'బీస్ట్' అనే తమిళ చిత్రంలో కూడా నటిస్తోంది. విజయ్ హీరోగా నెల్సన్ దిలీప్ కుమార్ దర్శకత్వంలో రూపొందుతున్న ఈ చిత్రం షూటింగు ప్రస్తుతం చెన్నైలో జరుగుతోంది. కాగా, పూజ హెగ్డే నిన్న ఈ చిత్రం షూటింగులో జాయిన్ అయింది.
* పవర్ స్టార్ పవన్ కల్యాణ్, హరీశ్ శంకర్ కలయికలో 'భవదీయుడు.. భగత్ సింగ్' పేరిట ఓ చిత్రాన్ని నిర్మించడానికి సన్నాహాలు జరుగుతున్న సంగతి విదితమే. ఈ చిత్రం షూటింగును విజయదశమి సందర్భంగా అక్టోబర్ 15న లాంఛనంగా ప్రారంభించనున్నట్టు సమాచారం. దేవిశ్రీ ప్రసాద్ దీనికి సంగీతాన్ని సమకూర్చనున్నాడు.
* ప్రభుదేవా తొలిసారిగా ఓ యాక్షన్ ఓరియెంటెడ్ సినిమాలో నటిస్తున్నాడు. నూతన దర్శకుడు శ్యామ్ రోడ్రిగ్యూస్ దీనికి దర్శకత్వం వహిస్తున్నాడు. ఈ యాక్షన్ థ్రిల్లర్ షూటింగ్ ఇటీవలే చెన్నైలో మొదలైంది. జాయ్ ఫిలిం బాక్స్ సంస్థ దీనిని నిర్మిస్తోంది.