Kamal Haasan: 'పుష్ప' బాటలోనే కమల్ 'విక్రమ్?
- విభిన్నమైన కథాంశంతో 'విక్రమ్'
- విచిత్రమైన స్వభావంతో కూడిన పాత్ర
- సొంత బ్యానర్లలో నిర్మాణం
- రెండు భాగాలుగా రిలీజ్ చేసే ఛాన్స్
కమలహాసన్ కథానాయకుడిగా 'విక్రమ్' సినిమా రూపొందుతోంది. ఈ సినిమాకి ఆయనే నిర్మాతగా వ్యవహరిస్తున్నారు. ఇటీవలే ఈ సినిమా షూటింగు మొదలైంది. ఇప్పటికే కొన్ని భారీ యాక్షన్ సన్నివేశాలను చిత్రీకరించారు. విభిన్నమైన లుక్ తో .. విచిత్రమైన స్వభావంతో ఆయన ఈ సినిమాలో కనిపించనున్నారు.
ఈ సినిమాకి లోకేశ్ కనగరాజ్ దర్శకత్వం వహిస్తున్నాడు. ఆయన స్క్రీన్ ప్లే ఈ సినిమాకి హైలైట్ గా నిలుస్తుందని చెబుతున్నారు. ఈ కథను ఒక సినిమాగానే చేయాలనే ఉద్దేశంతో రంగంలోకి దిగారట. కానీ ఈ సినిమా నిడివి నాలుగు గంటలకి పైగా వచ్చే అవకాశాలు ఉన్నాయని భావించి, రెండు భాగాలుగా చేద్దామనే ఆలోచన చేస్తున్నట్టుగా వార్తలు వస్తున్నాయి.
కథలోను .. కథనంలోను సత్తా ఉండటం వలన, రెండు భాగాలుగా చేయడం వలన కలిసొస్తుందని ఆశిస్తున్నట్టుగా చెప్పుకుంటున్నారు. త్వరలోనే ఈ విషయంపై అధికారిక ప్రకటన రానున్నట్టుగా తెలుస్తోంది. మొత్తానికి 'బాహుబలి' .. 'పుష్ప' బాటలోనే 'విక్రమ్' నడవనున్నాడన్న మాట.
. 