Scotland: టీ20 వరల్డ్ కప్: బంగ్లాదేశ్ బౌలింగ్ దాడులను ఎదుర్కొని గౌరవప్రదమైన స్కోరు సాధించిన స్కాట్లాండ్
- టీ20 వరల్డ్ కప్
- బంగ్లాదేశ్ వర్సెస్ స్కాట్లాండ్
- టాస్ ఓడి బ్యాటింగ్ చేసిన స్కాట్లాండ్
- 20 ఓవర్లలో 9 వికెట్లకు 140 రన్స్
టీ20 వరల్డ్ కప్ లో రెండ్ మ్యాచ్ లో బంగ్లాదేశ్, స్కాట్లాండ్ తలపడుతున్నాయి. మొదట బ్యాటింగ్ చేసిన స్కాట్లాండ్ పదునైన బంగ్లాదేశ్ బౌలింగ్ దాడులను ఎదుర్కొని గౌరవప్రదమైన స్కోరు సాధించింది. నిర్ణీత 20 ఓవర్లలో 9 వికెట్లకు 140 పరుగులు చేసింది.
స్కాట్లాండ్ ఓ దశలో 53 పరుగులకే 6 వికెట్లు కోల్పోయినా... క్రిస్ గ్రీవ్స్, మార్క్ వాట్ జోడీ బ్యాట్లు ఝుళిపించడంతో స్కోరు 100 దాటింది. గ్రీవ్స్ 28 బంతుల్లో 4 ఫోర్లు, 2 సిక్సర్లతో 45 పరుగులు చేయగా, వాట్ 17 బంతుల్లో 22 పరుగులు సాధించాడు. బంగ్లాదేశ్ బౌలర్లలో మెహదీ హసన్ 3, షకీబ్ అల్ హసన్ 2, ముస్తాఫిజూర్ రెహ్మాన్ 2, తస్కిన్ అహ్మద్ 1, మహ్మద్ సైఫుద్దీన్ 1 వికెట్ తీశారు.
